HAERERE lateri

HAERERE lateri

dicebantur olim proprie Monitores atque Custodes, viri insignes, quos vert. Heroes filiis, in bellum primum missis, adiungebant, ut comites eorum essent perpetui. Qualem Scipioni Maiori Ennium poetam adscribit Claud. praefat. l. 3. Cons. Stilich. Carm. 23. v. XI.

Haerebat doctus Iateri, castrisque solebat

Omnibus in medias Ennius ire tubas.

Phaenicem Neoptolemo Stat. l. 5. Sylv. 2. v. 155. Dorceum Parthenopaeo idem Theb. l. 9. v. 808.

Haerebat iuveni devinctus amore pudico

Maenalius Dorceus, cui bella, suumque timorem

Mater, et audaces pueri mandaverat annos etc.

Vide supra in vocibus Cantor, Comes, Custos, alibiqueve passim. In quorum locum sequiore aevo succesêre morum corruptelae. Hier. ad Furiam, Nec procurator calamistratus nec formosus collactaneus, nec candidulus ac rubicundus assecla adhaereat lateribus. Vide quoque versum Mart. l. 9. Epigr. 103. cuius Epigraphe in Bassum v. 3.

Deinde haerere tuo lateri, praecedere sellam.

Est autem Haerere alicui, indefessum adesse: ut de gubernaculo suo Palinurus, Virg. Aen. l. 6. v. 350. et C. Barth. ad Stat. d. l.

Cui datus haerebam custos ————

Idem l. 9. v. 648.

—— Fidusque ad summa custos.